السيسي بيكرم عمال مصر المخلصين فـ احتفالية عيد العمال 2025
فـ اجواء كلها فخر واعتزاز احتفل الريس عبد الفتاح السيسي بعيد العمال 2025 وكرم مجموعه من النماذج المشرفة اللى قدمت إخلاص وتفاني فـ شغلها وساهمت فـ دفع البلد لقدام.
ومن أبرز المكرمين كانت مهرائيل مجدي أول بنت عندها عشرينات بتسوق القطار الكهربائي LRT اللى بيربط القاهره بالعاصمة الإداريه ودا تقدير لنجاحها الكبير وكسرها للتقليد ووجودها بين أول 6 سائقات للمشروع الحيوي ده.
كمان تم تكريم اتنين من رموز النقابات بعد وفاتهم وهما جبالي محمد جبالي وخالد منير حسنين وتسلم أولادهم التكريم مكانهم.
ومن ضمن اللي اتكرموا برضه مصطفى الأفندي من شركة البترول وكان معاه بنته وإبراهيم العربي ممثل عن أصحاب الأعمال وكمان إبراهيم صلاح اللى بيدير أكاديمية تدريب فـ السعودية كممثل للعاملين بالخارج.
واتكرمت كمان آمال عبدالموجود من وزارة العمل ومحمد فهمي من ذوي الهمم وسيد عفيفي كعامل زراعي غير منتظم، وحنان بقطر من أسيوط عن ذوي الإعاقة.
الاحتفال كان رسالة تقدير من الدولة لكل اللى بيشتغل بضمير، وبيحب البلد.
