السيسي من السويس بيأكد إننا هنكمل طريقنا بالعزيمه والإخلاص
قال الريس عبد الفتاح السيسي إننا بفضل ربنا سبحانه وتعالى وبوحدة كل فئات الشعب قادرين نعدي أي تحديات ونكمل طريق البناء والعطاء وأكد كمان في كلمته إنه واثق إننا هنحقق كل أهدافنا اللي هترفع مصر وتخليها في مكانه عاليه.
الكلام ده قاله النهارده أثناء احتفاليه عيد العمال اللي اتعملت في شركة السويس للصلب في مدينة السويس وده بيأكد إن الدوله بتقدر عمالها وبتحتفل بيهم من قلب المصانع.
الريس قال إن الإراده والإخلاص هما سلاحنا وإن مصر بيبنها ولادها بعقولهم وسواعدهم ووضح إن كل مشروع جديد هو دليل على نجاح المصريين وإن البلد دي فيها طاقات كبيره لازم نحافظ عليها.
الاحتفال كان فيه حضور كبير واتعرض أفلام تسجيليه عن عمال مصر وعن المصنع وكمان تم تكريم عدد من العمال النموذجيين اللي اجتهدوا فـ شغلهم.
وفي النهايه السيسي ختم كلمته بتحية مصر ٣ مرات وقال إن مصر دايمًا هتفضل قويه بشعبها ومش هيتحقق التقدم غير بالعمل والإخلاص.
