ماركو سيلفا أقرب لتدريب الهلال.. والبديل مدرب مؤقت قبل المونديال
يبدو إن إدارة الهلال قررت تطوي صفحة خيسوس نهائيًا، وبدت تتحرك بكل قوة لجلب مدرب يليق بطموحات الزعيم، وعيونها دلوقتي على مدرب فولهام الإنجليزي، ماركو سيلفا، اللي يعتبر من الأسماء القوية في أوروبا واللي قدر يثبت نفسه حتى وسط الكبار في البريميرليغ.
المصادر بتأكد إن ماركو سيلفا هو الأقرب لقيادة الهلال، ولو تم الاتفاق النهائي، ممكن نشوفه على رأس الجهاز الفني قبل انطلاق كأس العالم الجاي، في خطوة ممكن تغيّر شكل الفريق وتضبط مساره محليًا وآسيويًا.
لكن لو المفاوضات ما مشت بالشكل المطلوب، الهلال ممكن يختار حل بديل، وهو تعيين مدرب مؤقت يمسك الفريق لباقي الموسم أو لحد ما تبدأ منافسات الموسم الجديد وده هيكون نوع من حفظ التوازن ومنع أي ارتباك داخل الفريق، خصوصًا في وقت حساس زي ده.
الهلال حالياً محتاج مدرب عنده شخصية قوية وخبرة في التعامل مع النجوم، وسيلفا باين عليه إنه المرشح المثالي، لكن كل حاجة هتبان في الأيام الجاية والسؤال الحقيقي دلوقتي: هل سيلفا يقدر يجيب الفارق مع الهلال ويحقق اللي ما قدر عليه خيسوس؟
