فى عيد العمال السيسي يشيد بجهود عمال مصر ويبعت رساله تقدير
شارك الريس عبد الفتاح السيسي ف احتفاليه عيد العمال اللى اتعملت النهارده ف شركة السويس للصلب بالسويس وقدم السيسي التهاني لكل العمال وقال كل سنه وانتو طيبين ومصرنا بخير وف تقدم مستمر
السيسي قال كمان إن الاحتفال مش بس تقليد سنوي لكن رساله واضحه بتبين تقدير الدوله لقيمة الشغل ودور العمال ف التنميه والتقدم الصناعي وأكد إن اختياره لمكان الاحتفال ف واحد من الصروح الصناعيه بالسويس جه عشان يوضح اهمية الجهد اللى بيتعمل ف المحافظه دى واللى بقت بتشهد نهضه وتنميه كبيره.
وقال كمان إن عمال مصر دايمًا بيكتبوا تاريخ من العطاء وإنهم هما اللى بنوا حضارة البلد دى ودلوقتي بيكملوا المشوار بعقولهم وسواعدهم وأضاف النهضه الاقتصاديه مش هتحصل غير بقلاع صناعيه ومدن جديده وفرص عمل لشبابنا
واكد السيسي إن الحكومه بتشتغل على تطوير بيئة العمل وبتوفر تدريب للعمال عشان يواكبوا المتغيرات وكمان بتفتح مجالات للعمل ف دول عربيه وأفريقيه وأوروبيه وأشار إن مصر دايمًا واقفه جنب أشقائها وبتدعم التنميه ف كل مكان.
