فى السويس السيسي يحتفل بعيد العمال ويشيد بالجهود المبذوله للبناء
شارك الرئيس عبد الفتاح السيسي النهارده ف احتفال عيد العمال اللى اتعمل ف شركة السويس للصلب وقال ف كلمته إن العمال هما السند الحقيقي لبناء مصر وإنه بيقدملهم كل الشكر والتقدير على تعبهم وعطائهم المستمر.
ووجه السيسي التهاني لكل عمال مصر وقال كل سنه وانتو ومصر بخير ودايمًا ف تقدم وأكد إن الاحتفال بعيد العمال مش مجرد مناسبه عابره لكن تأكيد على أهمية الشغل ودور العمال ف دفع التنميه وتحقيق النهضه الصناعيه.
وأشار الريس إن اختيار السويس مكان الاحتفال جه عشان اللى بيحصل فيها من تنميه وافتتاح مشاريع كتير وده بيأكد إن المصريين قادرين يغيرو الواقع بإرادتهم وعزيمتهم.
وقال كمان إن كل مصنع بيتفتح على أرض مصر، هو دليل واضح على النجاح والإصرار، وإن سواعد ولاد البلد هما اللى بيبنوا الحاضر وبيصنعوا المستقبل وشدد على إن الدولة هتفضل داعمه للعمل والعُمال وإن مصر دايمًا هتفضل قويه بعقول وأيادي ولادها اللى بيحبوا البلد ويشتغلوا علشانها.
