السيسي بيحتفل بعيد العمال ويشيد بدورهم فـ بناء الوطن العظيم
شارك الرئيس عبد الفتاح السيسي النهارده فـ احتفال عيد العمال اللي اتعمل فـ شركة السويس للصلب بمدينة السويس وقدم الريّس تهنئه كبيره لعمال مصر وقال إنهم دايمًا السند اللي بيشيل البلد على كتافه وبيساعدوا فـ التقدم والبناء، وقال كل سنه وانتو ومصرنا الحبيبه بألف خير، وفـ تقدم دايم إن شاء الله
وأكد السيسي إن عيد العمال مش بس مناسبه بنحتفل بيها، لكن دي فرصه نأكد فيها احترامنا وتقديرنا لقيمه الشغل ودور العامل المصرى فـ صناعه المستقبل وقال إن العمال هما العمود الفقري اللي عليه البلد بتقوم وعلشان كده الدوله دايمًا بتسعى لتحسين أوضاعهم وتدريبهم عشان يواكبوا التطور العالمي.
وأضاف كمان إن السويس فيها تنميه كبيره بتحصل، والمشاريع اللى بتتفتح دليل على الإراده والتحدي، وإن كل مصنع جديد هو خطوه لقدّام.
الرئيس ختم كلامه برساله فخر مصر عمرها ما هتقف طول ما فيها عمال زى دول، بيحبوا بلدهم وبيشتغلوا بإخلاص ودعى إن ربنا يوفقهم دايمًا ويساعدهم على مواصله العطاء.
