السيسي يكرم العمال ويطلق مبادرات تدريب ويأمر بحل القضايا بسرعه
شهدت احتفاليه عيد العمال اللى كانت النهارده بحضور الريس عبد الفتاح السيسي تكريم مجموعه من العمال اللى ليهم بصمه واضحه فـ مجالات شغلهم المختلفه وسلّمهم السيسي أوسمه العمل تقديرًا لجهودهم وتعبهم
الاحتفال اتعمل فـ شركة السويس للصلب بمدينة السويس ودى واحده من أهم الصروح الصناعيه فـ مصر وخلال كلمته، وجّه الريس السيسي بضروره إطلاق مبادره لتأهيل الشباب لسوق العمل وده عن طريق منح تدريبيه مجانيه عشان الشباب يبقى عنده المهارات اللى السوق محتاجها فعلًا، مش مجرد شهادات.
كمان أمر الريس بإنه يتم الفصل السريع فـ القضايا العماليه عشان العمال ياخدو مستحقاتهم من غير لف كتير ولا تأخير، لأن حقوقهم لازم ترجع بسرعه ومن غير تعقيد.
الريس وضّح إن العمال هما اللى بيبنو البلد، ولازم نفضل دايمًا ندعمهم ونوفر ليهم مناخ آمن ومحترم يخلّيهم يشتغلو بكل طاقه وحب الاحتفال كان كله طاقه إيجابيه وتقدير لكل واحد شغال فـ البلد دى وبيساهم فـ تنميتها.
