نزله برد تبعد رودريجو عن ماتش ريال مدريد ضد سيلتا فيجو
في مفاجأة لكتير من جمهور ريال مدريد اتأكد غياب النجم البرازيلي رودريجو جوس عن ماتش فريقه الجاي قدام سيلتا فيجو ضمن منافسات الجوله الـ٣٤ من الدوري الإسباني، واللي هيتلعب يوم الأحد.
وقال خوان كاميلو مسؤول المركز الإعلامي للنادي الملكي إن رودريجو مش حاسس إنه بخير وبيمر بحاله تعب شبيه بالبرد أو حاجه كده عشان كده قرر الجهاز الفني بقيادة أنشيلوتي استبعاده من القائمه.
القائمه اللى أعلنها المدرب الإيطالي أنشيلوتي غاب عنها رودريجو رغم إنه كان واحد من أكتر اللاعيبه المشاركه الموسم ده بعد ما لعب ٥٠ ماتش وسجل فيهم ١٣ جون وصنع ١٠ كمان وده رقم ممتاز بيأكد دوره المهم في الفريق.
الماتش ضد سيلتا فيجو مهم في مشوار ريال مدريد بس غياب رودريجو هيكون مؤثر، خصوصًا وإنه واحد من العناصر اللي بيفرقوا في الهجوم جمهور الملكي بيأمل إنه يتعافى بسرعه ويرجع يشارك في المباريات الجايه.
