لويس انريكي بيستعد لغياب ديمبلي عن مباراة ارسنال بدوري الابطال
مازالت الفرصة موجودة لعثمان ديمبلي إنه يتعافى ويشارك في مباراة الإياب بين باريس سان جيرمان وآرسنال في نصف نهائي دوري أبطال أوروبا، لكن لغاية دلوقتي المدرب لويس انريكي حاطط في حسابه غيابه، خاصة إن الإصابة من النوع اللي محتاجة راحة فترة طويلة.
الصحافة الفرنسية أكدت إن انريكي جاهز بخطة بديلة لو تأكد غياب ديمبلي عن الماتش المنتظر يوم الأربعاء والمدرب الإسباني عنده خيارات بين المهاجمين جونزالو راموس وبراديلي باركولا، ومع أفضليه لباركولا اللي قدم مستويات مميزة الفترة اللي فاتت وأرقامه بتتكلم عن نفسه، سجل 18 هدف وصنع 17، وكمان كان هو البديل اللي حل محل ديمبلي في مباراة الذهاب لما خرج مصاب.
أما راموس، فهو اتعرض لإصابة في بداية الموسم، وكان لها تأثير كبير على مستواه، لكن المدرب لو قرر يبقى معاه، هيكون على مسؤوليته وفي النهاية، انريكي محتاج يختار اللاعب اللي هيقدر يعوض غياب ديمبلي بشكل أفضل في المباراة الحاسمة دي.
