بن رمضان يقرب من الأهلي والصراع يزيد في وسط الملعب الأحمر
النادي الأهلي قرب يخلص مع النجم التونسي محمد علي بن رمضان لاعب فريق فرينكفاروزي المجري علشان يدعّم بيه وسط الملعب في الميركاتو الصيفي الجاي اللاعب ده يعتبر مكسب كبير للفريق خصوصًا في مركز الارتكاز رقم 8 اللي أصلاً بيلعب فيه كام اسم تقيل زي إمام عاشور وعمرو السولية وكريم نيدفيد وعمر الساعي.
كمان حمدي فتحي راجع من إعارة من نادي الوكرة القطري وهيشارك مع الأهلي في كأس العالم للأندية في أمريكا فبكده وسط الملعب هيبقى زحمة ست لاعيبة في نفس المركز تقريبًا.
بن رمضان ممكن يكون ليه تأثير كبير وهيقلب الموازين، والمدير الفني هيكون محتاج يشركه باستمرار مع إمام عاشور اللي يعتبر أهم لاعب في النص اللي ممكن يتأثروا بالصفقة دي هما نيدفيد والساعي والسولية لأن فرصهم هتقل أكتر.
أما أفشة، فمشاركاته قليلة أصلًا، ومع التعاقد الجديد فرصه هتقل أكتر، خصوصًا إن الشكل الخططي للفريق هيعتمد أكتر على ثنائي وسط قوي زي إمام وبن رمضان، وممكن حمدي يدخل في الصورة بقوة هو كمان.
