محمد رمضان يكشف كواليس مثيرة فترته داخل الأهلي وسبب اعتذاره
خرج محمد رمضان المدير الرياضي السابق للنادي الأهلي عن صمته لأول مره وفتح قلبه في لقاء على قناة إم بي سي مصر 2 وكشف حاجات كتير كانت غامضه للجمهور من أول قبوله المنصب لحد ما قرر يمشي.
رمضان قال إنه رفض في البداية لكنه وافق لما الكابتن الخطيب قاله ده تكليف من النادي واتكلم عن أزمة كهربا وكولر وقال إن كهربا تجاوز لفظيًا والعقوبه نزلت بعد ضغط زمايله بشرط الفوز بالسوبر كمان قال إن كولر فقد شغفه لكن مسيطر على غرفة اللبس.
أكد كمان إن خروج كولر في التوقيت ده كان صح، وإن الأهلي محتاج مدرب هجومي، خصوصًا مع وجود لاعيبة تقيله هجوميًا ووضح إن إصابة عمر كمال مش خناقه زي ما الناس قالت وعلق على أزمة إمام والشناوي جوه أوضة اللبس.
كشف كمان عن مفاجأة، إن عقد كولر كان فيه شرط جزائي كبير، وإنه ماكنش يعرف تفاصيله غير قبلها بشهرين وتكلم عن اختياره لمحمد شوقي مدير كوره، وقال إنه إداله كل الصلاحيات.
وختم كلامه بتأكيد إن محمد بن رمضان صفقة قويه، وهيكون بجانب إمام عاشور إضافة كبيره وإن بعض اللاعبين وقعوا على بياض زي الشناوي وياسر، لكن رامي ربيعة لسه مفيش اتفاق.
