4 فرق في صراع ناري على آخر تذكرة للصعود للبريميرليج
بعد ما ليدز يونايتد حسم لقب التشامبيونشيب النهارده السبت بفارق الأهداف على حساب بيرنلي، الاتنين صعدوا رسميًا للبريميرليج الموسم الجاي وبكده بيفضل مكان واحد فاضي لسه بيتنافس عليه أربع فرق.
الملحق اللي بيحدد الفريق التالت اللي هيصعد هيكون بين الفرق من التالت للسادس، واللي هما شيفيلد يونايتد (التالت) قدام بريستول سيتي (السادس) وسندرلاند (الرابع) قدام كوفنتري سيتي (الخامس).
الماتشات هتتلعب بنظام ذهاب وعودة الذهاب يوم 8 و9 مايو والإياب بعدها على طول يومي 12 و13 واللي يكسب هيلعب النهائي الكبير يوم 24 مايو في ويمبلي عشان نعرف مين هياخد آخر بطاقة طلوع للبريميرليج 2025-2026.
وبكده، اللي هيفوز في النهائي هينضم لليدز وبيرنلي في الدرجة الأولى الموسم الجاي وده بعد هبوط ساوثامبتون وليستر سيتي وإيبسويتش تاون من البريميرليج للموسم ده.
الجماهير منتظرة بلاي أوف ناري خاصة إن الفرق الأربعة عندها طموح كبير للصعود ومش سهل تتوقع مين هيكسب
