صحيفة “سبورت” الكتالونية فجرت مفاجأة قبل ماتش برشلونة وبلد الوليد اللي هيتلعب النهارده، وقالت إن هانز فليك مدرب البرسا ناوي يعمل مفاجأة في التشكيلة ويفكر جدّيًا في الدفع باللاعب الشاب داني رودريغيز كأساسي.
الفريق بيعاني من غياب 6 لاعبين دفعة واحدة بسبب الإصابات، وكمان في ماتش ناري قدام إنتر ميلان يوم التلات في سان سيرو ضمن دوري الأبطال، ففليك قرر يستعين بـ3 لاعبين من الفريق الرديف لتعويض النقص، وهم لاندري فاري، نوح دارفيتش، وداني رودريغيز.
داني يعتبر من أبرز المواهب الصاعدة في برشلونة، وكان انضم للنادي من ريال سوسيداد وهو عنده 14 سنة واللاعب عنده قدم يسار قوية، ومراوغ كويس، وتسديداته دقيقة، وكمان يقدر يلعب على الطرفين أو جوه الملعب، وده بيديله مرونه رهيبة في الملعب.
الموسم اللي فات لفت أنظار تشافي وقت التدريبات، والنهارده فليك بيديله فرصة حقيقية، رغم إن الإصابات حرمت اللاعب من 24 ماتش مع برشلونة أتلتيكو الموسم ده. لكن رغم كده، شارك في 10 مباريات، سجل 3 أهداف وصنع 3 كمان.
إدارة برشلونة كمان بتثق فيه جدًا، وجددت عقده لحد 2027، وده رد على محاولات فرق تانية كانت عايزة تخطفه زي ريال سوسيداد وأتلتيك بلباو.
هل يستغل داني الفرصة ويكون نجم الماتش؟ ده اللي هنشوفه النهارده في مواجهة مش سهلة أبدًا.
شارك المقال
أحدث الأخبار
أخبار ذات صلة
قرار مفاجئ من سلوت بعدم التحدث إلى وسائل الإعلام قبل مباراة ليفربول وكريستال بالاس
نابولي يُعلن إصابة دي بروين وغيابه لعدة أشهر
إصابة جديدة تقلق برشلونة بعد هزيمته في الكلاسيكو أمام ريال مدريد
منتخب مصر يرفض مواجهة كاب فيردي في البطولة الودية بالإمارات
الخطيب يكشف تفاصيل اختياره ياسين منصور نائبًا وتعيين سيد عبد الحفيظ بمجلس الأهلي
