الهلال بيقرب من تشافي لخلافة جيسوس وبداية مشروع جديد
يبدو إن نادي الهلال السعودي ناوي يدخل الموسم الجاي بقوة، وده باين من الخطوة اللي شغّلت السوشيال ميديا كلها، وهي دخول إدارة الزعيم في مفاوضات متقدمه مع تشافي هيرنانديز، مدرب برشلونة السابق، علشان يكون خليفة للمدرب البرتغالي خورخي جيسوس اللي انتهت فترته مع الفريق.
الصحفي الألماني المعروف فلوريان بليتينبيرغ أكد إن المفاوضات ماشية بشكل جدي، وإن الهلال فعلاً مهتم يجيب تشافي كجزء من خطة كبيرة بيشتغل عليها النادي علشان يرجّع بريقه محليًا وآسيويًا.
الخطوة دي جات بعد ما تم إنهاء عقد جيسوس بشكل ودي، في إطار إعادة هيكلة كاملة للجهاز الفني والإدارة واضح إنها عايزة تضخ دم جديد في الفريق، ومدرب زي تشافي ممكن يعمل الفرق، خصوصًا إنه معروف بخططه الهجومية وأسلوبه اللي بيعتمد على الاستحواذ والضغط العالي، وده ممكن يناسب شخصية الهلال الطامح دايمًا للبطولات.
تشافي كمان عنده خبرة حلوة رغم صغر سنه، وبيمتلك قدرة واضحة في تطوير اللاعبين الشباب، وده بالذات اللي محتاجه الهلال دلوقتي مع وجود مواهب كتير محتاجة مدرب يثق فيهم ويدّيهم فرص.
إدارة الهلال بتحاول تحسم الصفقة بسرعة، علشان تدي المدرب الجديد وقت كافي يبني خطته قبل بداية الموسم الجديد، وده لو تم، ممكن نشوف نسخة مختلفة ومميزة من الهلال تحت قيادة الإسباني.
