ريال مدريد عينه على غيوكيريس والصفقه ممكن توصل ٧٠ مليون يورو
كشفت شبكه “سكاي سبورتس” إن ريال مدريد مهتم بشكل كبير بضم المهاجم السويدي فيكتور غيوكيريس لاعب سبورتينغ لشبونه، خلال انتقالات الصيف الجايه، وبتقول إن الاهتمام ده مش عادي، بل جاد جدا.
اللاعب عنده ٢٦ سنه وبيقدم مستويات عاليه جدا مع فريقه البرتغالي، وبيتميز بقوته الجسمانيه وسرعته وقدرته الكبيره على تسجيل الأهداف، وده اللى خلى أكتر من نادي كبير في أوروبا يتابعوه.
مش بس ريال مدريد، كمان في أندية من الدوري الإنجليزي زي مانشستر يونايتد وتشيلسي وآرسنال عايزين يخطفوه، لكن الريال باين عليه جاد ومستعد يدخل الصفقه بقوه.
سبورتينغ لشبونه ممكن يطلب مبلغ بين ٦٠ لـ٧٠ مليون يورو علشان يوافق على بيع اللاعب، وده رقم كبير بس ممكن الريال يدفعه لو فعلاً شايف إن غيوكيريس هو المهاجم المناسب للفتره الجايه.
المصادر كمان قالت إن رئيس النادي فلورنتينو بيريز معجب جداً باللاعب، وبيشوف إنه ممكن يكون اضافه مهمه في خط الهجوم، خصوصاً لو الريال بيدور على بديل أو دعم لباقي المهاجمين.
