ريال مدريد يخطط للتعاقد مع الموهبة الأرجنتينية فرانكو ماستانتونيو
في مفاجأة مثيرة، أفادت صحيفة “اَس” الإسبانية إن سانتياغو سولاري، المدير الرياضي لأكاديمية ريال مدريد، نصح إدارة النادي بالتعاقد مع فرانكو ماستانتونيو، نجم ريفر بليت اللي بيحطم الأرقام القياسية في عمر 17 سنة.
ماستانتونيو، اللي يعتبر من أبرز المواهب الصاعدة في الأرجنتين، لاعب خط وسط مميز جدًا، ويمتلك قدم يسرى ذهبية بتخليه يتحكم في الكورة بشكل مميز وكمان بيقدر يلعب كجناح أيمن، ومن هنا بيدخل للعمق عشان يسجل أو يصنع أهداف بطريقة فنية رهيبة.
اللاعب ده موهوب لدرجة إنه بيمتلك تسديدات قوية من بعيد وشخصية قيادية مش موجودة عند كتير من اللاعبين في سنه وما يخفاش على حد إن ميسي هو مثل الأعلى ليه، وده بيظهر في طريقة لعبه وحركاته على الملعب.
لكن بالرغم من موهبته الكبيرة، ريفر بليت عارف إنهم مش هيسيبوا ماستانتونيو فترة طويلة، لأنه محل اهتمام أندية كبرى زي أتلتيكو مدريد وبعض فرق الدوري الإنجليزي الممتاز.
والجدير بالذكر إن عقد اللاعب فيه شرط جزائي قيمته 45 مليون يورو، ومن المتوقع إن صيف 2025 يكون وقت حاسم بالنسبة لمستقبله.
