نابولي يعدّي محطة ليتشي بنجاح ويقرب من لقب الدوري الإيطالي
ما قدر فريق ليتشي يوقف قطار نابولي اللي واصل تقدمه بثبات نحو لقب الدوري الإيطالي بعد ما فاز عليه بهدف نظيف في المواجهه اللي جمعتهم مساء السبت ضمن منافسات الجولة ٣٥ من الكالتشيو.
المباراة كانت على ملعب ليتشي، والكل كان متوقع إنها تكون صعبه على نابولي لكن فريق المدرب أنطونيو كونتي عرف كيف يتعامل مع الوضع وقدر يخطف الثلاث نقاط الغاليه بفضل هدف جياكومو راسبادوري في الدقيقة ٢٤ من ركله ثابته نفذها بطريقه رائعه.
وبهذا الفوز نابولي وسّع الفارق بينه وبين إنتر ميلان لـ٦ نقاط قبل ٣ جولات من نهاية الدوري مما يعزز فرصته بحصد اللقب الغالي، خصوصاً مع ثبات المستوى وقوة الأداء.
وفي نفس اليوم، إنتر ميلان لسه عنده مباراته ضد هيلاس فيرونا واللي لازم يفوز فيها علشان يقلص الفارق لـ٣ نقاط من جديد المباراة هتتلعب في ملعب جوزيبي مياتزا، والجماهير مستنية تشوف هل هيقدر سيموني إنزاجي وفريقه يلاحقوا نابولي ولا لأ.
نابولي حاليًا أقرب من أي وقت مضى لحسم لقب الكالتشيو، والكل يترقب الحسم في الجولات الجايه.
