الأهلي يحقق إنجاز تاريخي ويتوج بآسيا ويتأهل لكأس العالم 2029
حقق النادي الأهلي فوز كبير وتاريخي بعد ما انتصر على كاواساكي الياباني في نهائي دوري أبطال آسيا للنخبه، وبكده توج الفريق بالبطوله لأول مره في تاريخه، في النسخه الجديده من البطوله القاريه.
الأهلي كسر نحس النهائي اللى طارده في 1986 و2012، وقدر أخيرًا يرفع الكأس الأغلى، وسط فرحه كبيره من جماهيره اللى كانت سند كبير في ملعب الإنماء بجده.
بالفوز ده، الأهلي اتأهل رسميًا لكأس العالم للأنديه 2029، واللى هتكون النسخه التانيه بنظام الـ32 فريق، وهيشارك فيها بجانب الهلال اللى هيمثل السعوديه في النسخه الأولى السنه دي.
المدرب الألماني ماتياس يايسله، كتب اسمه في تاريخ النادي من أوسع أبوابه، وحقق أول بطوله ليه مع الراقي، وكانت بطوله قاريه كمان، وده ممكن يكون بدايه لحقبه جديده في تاريخ الأهلي.
الجماهير الأهلاويه عايشه الفرحه بعد سنين من الإنتظار، وبتحلم دلوقتي بمشاركه مشرفه في كأس العالم للأنديه، وتمثيل المملكه بأفضل شكل ممكن.
