الأهلي يضرب كاواساكي بهدفين ويقرب الحلم الآسيوي في الشوط الأول
انتهى الشوط الأول من نهائي دوري أبطال آسيا للنخبه واللي جمع بين الأهلي السعودي وكاواساكي فرونتالي الياباني، بتفوق كبير لأبناء جدة بهدفين دون رد على ملعب الإنماء وسط حضور جماهيري ضخم.
البداية كانت ناريه من الراقي، وضغط من أول الدقايق، وفعلاً افتتح البرازيلي جالينو التسجيل بتسديدة صاروخية من خارج المنطقة ما قدر حارس كاواساكي يتعامل معاها، وسكنت الزاوية اليسار بكل أناقه.
ومع استمرار الضغط، قدر الإيفواري فرانك كيسيه يضيف الهدف التاني في الدقيقة 42 من عرضية مثاليه، استقبلها برأسية حلوة سكنت الشباك، وأشعلت مدرجات الإنماء فرحه.
كاواساكي حاول يرجع للمباراة بتسديدة من فاول خطير من عند حدود الـ18، بس عدت جنب القائم وما شكلت خطر حقيقي على مرمى ميندي.
الأهلي كان المسيطر طول الشوط الأول، وقدر يهدد مرمى الخصم في أكتر من كره خطيره، وأثبت أنه جاي يحسم اللقب وما يخليه يهرب من يده هالمره.
الجمهور مبسوط، والكل مستني الشوط الثاني عشان الراقي يكمل المشوار ويكتب اسمه من ذهب في أول نسخة من نخبة آسيا.
