نكونكو يفكر يترك تشيلسي بالصيف وماريسكا خارج حساباته
ذكرت تقارير صحفيه مساء السبت إن مستقبل المهاجم الفرنسي كريستوفر نكونكو مع تشيلسي بقى عليه علامات استفهام كتيره، وفي مصادر بتأكد إنه ناوي يرحل عن النادي بالصيف الجاي.
نكونكو من وقت ما جه لتشيلسي في صيف 2023 وهو بيعاني، سواء من الإصابات اللي أبعدته كتير عن الملاعب، أو من تجاهل المدرب الحالي إينزو ماريسكا ليه، واللي مش بيعتبره من عناصره الأساسية في الهجوم.
ورغم إنه لاعب يملك إمكانيات فنيه عاليه وسجل تهديفي محترم، بس ماقدرش يثبت نفسه وسط الزحمة الهجوميه عند البلوز، ووصلت لدرجة إنه تم استبعاده من قائمة الفريق في كذا ماتش من غير إصابة، لكن لأسباب فنيه!
اللاعب عنده 27 سنه، وبيفكر في مستقبله، خصوصًا إنه عايز يلعب بإنتظام وياخد فرصه حقيقيه مع فريق يثق فيه ويعتمد عليه كمهاجم أساسي.
لحد دلوقتي مافيش تأكيد رسمي من النادي أو اللاعب، لكن الواضح إن نكونكو مش مرتاح، وصفقة رحيله ممكن تبقى ضمن التغييرات الكبيره اللي ناوي تشيلسي يعملها الصيف ده.
