تيفو جمهور الأهلي يشعل النهائي تحدي القارة في مدرج الراقي
جمهور الأهلي كان له بصمة واضحه من أول دقايق نهائي دوري أبطال آسيا للنخبة قدام كاواساكي الياباني، واللي انلعب على ملعب الإنماء بجدة.
الحضور الكبير والتيفو الخرافي اللي رفعوه جماهير الراقي خلّى كل الأنظار تتجه للمدرجات قبل حتى ما تبدأ الهجمات.
التيفو كان رسالة واضحة إن الأهلي جاي يتحدى القارة، وماهو بس مشارك شرفي. أجواء ولا أروع، وأهازيج صاخبة خلت ملعب الإنماء يهتز من الحماس.
الأهلي داخل اللقاء وهو حاط في باله يكسر عقدة النهائيات اللي طاردته في مرتين قبل، وحدة كانت سنة 1986 لما خسر قدام دايو رويالز الكوري، والثانية في 2012 قدام أولسان.
واليوم الجمهور كان واقف مع الفريق قلبًا وقالبًا، عشان يكتبوا سوا صفحة جديدة في تاريخ النادي.
الملفت كمان إن الفريق ما قد قابل كاواساكي الياباني لا في بطولات رسمية ولا حتى ودية، لكن رغم كذا الأهلي دخل اللقاء بثقة كبيرة، مدعوم بجمهور ما يعرف إلا الفوز والتحدي.
