مبابي يشيد بيوسف لخديم موهبة مدريد الجديدة تبهر الجميع
في ظل الإصابات الكثيرة اللي ضربة دفاع ريال مدريد، طلع اسم شاب من الأكاديمية ولفت الأنظار بسرعه، يوسف لخديم، الظهير الأيسر صاحب الـ19 سنة، واللي قاعد يتألق في تدريبات الفريق الأول.
يوسف، اللي ينتمي لفريق الكاستيا، قدر يثبت نفسه بسرعه، حتى إن النجم الفرنسي كيليان مبابي قال عنه: “هذا الرجل جيد جدًا”، تعليق بسيط لكن كان له صدى كبير داخل الفالديبيباس وخلى عيون أنشيلوتي وطاقمه تركز عليه أكثر.
المدرب الإيطالي ضمّه لتشكيلة مباراة سيلتا، ومع قلة الخيارات في خط الدفاع، ممكن نشوفه أساسي في أكثر من مباراة قريبة.
اللاعب يملك لياقة عالية وسرعة، وبدايته مبشرة جدًا لجمهور الملكي اللي دايم يعشق ظهور المواهب الشابة.
الحديث في مدريد صار عن مستقبل يوسف، وهل يقدر يكمل ويصير عنصر مهم في الفريق الأول، خصوصًا إن النادي ناوي يعيد بناء دفاعه الموسم الجاي.
والأكيد إن لخديم عنده فرصة حقيقية يثبت نفسه ويحجز مكانه من بدري.
