انخفاض بورصة الدواجن اليوم.. سعر الفراخ البيضاء والساسو اليوم.. رايحة فين أسعار الكتاكيت والبط
في ظل التغيرات الإقتصادية الكبيرة اللي بيعيشها السوق المصري اليومين دول، بتيجي أسعار الدواجن ومنتجاتها كواحدة من الحاجات اللي شاغله بال كتير من الناس، خصوصًا الأسر المصرية البسيطة اللي معتمده بشكل أساسي على الفراخ والبيض كمصدر بروتين يومي ومع بداية شهر مايو 2025، بدأت الأسعار ترجع تستقر شوية بعد فتره طويلة من التذبذب وعدم الاستقرار، واللي خلت كل يوم الناس تصحى على سعر جديد من هنا، بتقدملكم بوابة سعودي اون تغطية كاملة ومفصلة لأسعار الفراخ، البط، الكتاكيت، والبيض انهارده الأحد 4 مايو 2025 في مختلف الأسواق المصرية.
تعالو نشوف مع بعض تفاصيل الأسعار زي مانقلتهالكم بوابة سعودي أون من مصادرها الخاصة في السوق وبورصة الدواجن.
اسعار الدواجن اليوم
الفراخ من أكتر السلع اللي بتتأثر بأي حاجه بتحصل في السوق سواء في سعر العلف أو في حركة العرض والطلب. والأسعار انهارده كانت كالتالي:
| النوع | سعر البورصة | سعر البيع للمستهلك |
|---|---|---|
| الفراخ البيضاء | 77 جنيه | 89 جنيه |
| الفراخ الساسو | 76 جنيه | 90 جنيه |
| دواجن الأمهات البيضاء | 64 جنيه | 74 جنيه |
الفرق بين سعر البورصه وسعر البيع للمستهلك بيختلف حسب المكان، التوزيع، والنقل، وبيزيد أحيانًا في المحافظات البعيده أو في الريف.
أسعار الكتاكيت انهارده في السوق
أسعار الكتاكيت كان عليها شوية هدوء، وفضلت محافظه على مستوياتها اللي استقرت عليها من يومين، وده كان الشكل العام:
- الكتكوت الأبيض (شركات): 35 جنيه
- الكتكوت الأبيض (أهالي): 33 جنيه
- الكتكوت البياض عمر يوم: 85 جنيه
- الفرخ البياض عمر 100 يوم: 260 جنيه
- الكتكوت الساسو: 15 جنيه
- الكتكوت البلدي: 6 جنيهات
- الكتكوت الهجين: 16 جنيه
- الكتكوت الروزى: 15 جنيه
- الكتكوت الفيومي: 12 جنيه
- الكتكوت الجميزة: 15 جنيه
رغم الاستقرار، في بعض الناس بتفضل تستنى يوم أو يومين يمكن الاسعار تنزل اكتر، خصوصًا اللي بيشتروا كميات كبيره للتربيه.
أسعار البط في مصر
أسعار البط بمختلف أنواعه استقرت بشكل واضح، وده جدول يوضح الأسعار انهارده:
| نوع البط | السعر |
|---|---|
| بط بغال | 40 جنيه |
| بط مولر | 40 جنيه |
| بط مسكوفي | 55 جنيه |
| بط شريفان | 31 جنيه |
| بط بيور | 31 جنيه |
| بط بكيني | 16 جنيه |
| بط فرنساوي | 16 جنيه |
البط عموما عليه طلب أقل من الفراخ، بس في ناس بتحبه أكتر وبيعتبروه أكل مناسبات ومواسم.
أسعار البيض انهارده في مصر
البيض فضل محافظ على أسعاره، ودي كانت الأسعار في الجمله والقطاعي:
- طبق البيض البلدي (جملة): 105 جنيه
- كرتونة البيض البلدي (قطاعي): 120 جنيه
- طبق البيض المزارع (جملة): 105 جنيه
- كرتونة البيض المزارع (قطاعي): 125 جنيه
ناس كتير بتفضل البيض البلدي عشان طعمه وجودته، بس سعره أغلى شوية من بيض المزارع.
عوامل مؤثره في اسعار السوق
الناس كتير بتسأل ليه الأسعار بتطلع وتنزل كل شوية؟ ودي أهم الأسباب:
- العرض والطلب
- أسعار الأعلاف
- حالة الجو
- التوزيع والنقل بين المحافظات
- تكلفة التربيه في المزارع
وطبعًا السوق دايمًا بيتغير بسرعة، وده بيأثر على أي خطه كان المربي أو المستهلك بيحاول يعملها.
النهارده، السوق المصري بيشهد هدوء نسبي في أسعار الدواجن ومنتجاتها، وده يعتبر تطور كويس بعد الفتره اللي فاتت اللي كانت صعبه على الكل بوابة سعودي أون هتفضل تنقل لكم الأسعار أول بأول علشان تقدروا تتابعوا السوق وتعرفو تاخدو قرارات الشراء امتى وبكام وبس زي مانقول دايمًا، لازم تاخد بالك إن الأسعار دي ممكن تتغير من بكره، ومفيش حاجه مضمونه في السوق المصري.
