لامين جمال يرعب إنتر قبل الإياب وفيريس: بندوّرله على حل!
قبل أيام قليلة من موقعة العودة في نصف نهائي دوري أبطال أوروبا، خرج ماسيميليانو فيريس، مساعد مدرب إنتر ميلان، بتصريحات صريحة عن لاعب برشلونة الصغير – الكبير، لامين جمال، اللي بقى كابوس لأي دفاع في أوروبا، حتى وهو لسه مراهق!
فيريس قالها بصراحة: “شافينا لامين في الفيديو، لكن الحقيقة إنه بيلعب بجودة عالية جدًا حاولنا نحد من خطورته في الذهاب، بس هو بيعرف يتصرف حتى في أضيق الزوايا”.
يعني حتى لما إنتر حاول يقفل عليه، الولد طلع من بين الخطوط وكأنه عنده 10 سنين خبرة في الملاعب اللاعب ده مش بس موهوب، ده فعلاً مستقبل الكورة!
الطاقم الفني لإنتر دلوقتي بيشتغل على خطة خاصة عشان يوقفوه في الإياب وفيريس أكد إنهم بيدرسوا تحركاته كويس وبيحاولوا يلاقوا حلول، لأن تركه يتحرك براحة ممكن يكلفهم تذكرة النهائي.
الكل مستني يشوف هل فعلاً إنزاغي وهيئته يقدروا يوقفوا لامين؟ ولا الموهبة دي هتكتب سطر جديد من مجدها الأوروبي في سن 16 بس؟
