كشفت صحيفة “ماركا” إن المدرب الألماني يورغن كلوب كان عنده فرصة يدرب ريال مدريد بعد ما قرر يسيب ليفربول، بس شكوكه وقتها خلّته يرفض العرض وده قرار بيقول دلوقتي إنه ندم عليه!
كلوب، اللي أعلن نهاية رحلته مع الريدز بنهاية الموسم اللي فات، كان متردد يرجع للتدريب بسرعة، وقال لإدارة الريال إنه محتاج وقت للراحة، بس دلوقتي – حسب الصحيفة – بدأ يراجع نفسه ويتمنى لو وافق على العرض المدريدي الكبير.
لكن خلاص، الوقت فات والملكي ما بيستناش والتقارير بتقول إن فيه اتفاق شبه نهائي مع تشابي ألونسو عشان يمسك تدريب الفريق الموسم الجاي، وده بيخلي رجوع كلوب للمشهد المدريدي حاجة صعبة جدًا في الوقت الحالي.
تشابي، اللي بيقدم موسم رائع مع باير ليفركوزن، بقى المرشّح رقم واحد، خصوصًا إنه ابن من أبناء الريال وفاهم النادي كويس، وده اللي بيديله أفضلية كبيرة.
الظاهر إن كلوب فهم متأخر، والندم بعد فوات الأوان ما يفيدش، خاصة مع نادي زي ريال مدريد اللي بيخطط دايمًا بدقّة وسرعة.
شارك المقال
أحدث الأخبار
أخبار ذات صلة
قرار مفاجئ من سلوت بعدم التحدث إلى وسائل الإعلام قبل مباراة ليفربول وكريستال بالاس
نابولي يُعلن إصابة دي بروين وغيابه لعدة أشهر
إصابة جديدة تقلق برشلونة بعد هزيمته في الكلاسيكو أمام ريال مدريد
منتخب مصر يرفض مواجهة كاب فيردي في البطولة الودية بالإمارات
الخطيب يكشف تفاصيل اختياره ياسين منصور نائبًا وتعيين سيد عبد الحفيظ بمجلس الأهلي
