الزمالك بيرفض عقوبات الرابطة وبيهاجم التحكيم ويطالب بحقه الكامل
أصدر نادي الزمالك بيان نارى بيرفض فيه بشكل كامل العقوبات اللى فرضتها رابطة الأنديه على جماهيره بعد ماتش المصري البورسعيدي فى الدوري واللى انتهى بتعادل سلبي.
الرابطه كانت أعلنت يوم السبت عن إيقاف جماهير الزمالك مباراتين بجانب غرامه 200 ألف جنيه بسبب السباب الجماعي ضد حكم اللقاء لكن الزمالك قال إن ده ظلم واضح وبيكشف عن تحامل.
فى البيان اللى طلع من مجلس الإداره برئاسه حسين لبيب النادي وضح إن اللي حصل من بعض الجماهير كان رد فعل على قرارات الحكم خصوصاً بعد إلغاء هدف ناصر منسي اللى شافوه صحيح.
الزمالك كمان طلب رسمى بعدم إسناد أى ماتش ليه للحكم أمين عمر أو محمد الصباحي بسبب أخطاؤهم المتكرره ضد الفريق واللى أثرت على نتايجنا.
النادي قال إن العقوبه جت فى توقيت حساس وبتأكد وجود كيل بمكيالين خاصه وإن فى فرق تانيه حصلت منها تجاوزات ومحدش اتحرك ضدهم، فى نفس الجوله كمان.
وفى الآخر الزمالك شدد إنه مش بيطلب تخفيف للعقوبه، بس بيرفض الظلم وبيتمسك بحقه وطلب من جماهيره الدعم والهدوء فى الجولات الجايه.
