مورينيو يرد على اتهامه ببيع صلاح ويكشف كواليس رحيله من تشيلسي
المدرب البرتغالي جوزيه مورينيو المدير الفني الحالي لفريق فنربخشه التركي اتكلم عن موضوع محمد صلاح وقال إنه مش هو السبب فى رحيله من نادي تشيلسي زي ما الناس فاكره.
مورينيو أنا اللى اشتريت صلاح مش اللى بعته وكنت بحبه من أيام ما كان فى بازل واتعلقت بيه وطلبت من تشيلسي يجيبه
وأكد إن علاقته بصلاح كانت كويسه جدًا وإن كل الكلام اللى بيتقال إنه السبب فى رحيله مش مظبوط، وقال كان عندنا لاعيبه كبار وقتها زي هازارد وويليان وصلاح كان صغير وعايز يلعب كل شويه وده مكنش متاح
مورينيو وضح كمان إن صلاح كان محتاج يطلع على مكان يقدر يشارك فيه براحه فقرروا يودوه إعاره لفيورنتينا فى إيطاليا، لأن الكوره هناك تكتيكيه وبدنيهل وده ساعده يطور مستواه.
وختم كلامه وقال صلاح مكنش فاشل، بس كان طفل تايه فى لندن، وعايز يلعب مش يستنى، وده كان سبب الرحيل مش أنا
وبكده مورينيو بيحاول ينفي التهمه اللى دايمًا بتتقال عليه إنه فرّط فى نجم زى محمد صلاح.
