الأهلي بيلعب من غير عمر كمال اللي اتصاب في تمرين الفريق
هيغيب عمر كمال عبد الواحد، لاعب النادي الأهلي عن ماتش الفريق قدام حرس الحدود النهارده واللي هيتلعب فى تمام الساعه 8 مساءً ضمن منافسات الدوري المصري الممتاز وتحديداً في الأسبوع الرابع من مرحله تحديد البطل.
مصادر من داخل النادي قالت إن اللاعب اتعرض لإصابه في كاحل رجله خلال تمرين الفريق وده خلى الجهاز الطبي يقرر خروجه من القايمه النهائيه للمباراة.
عمر كمال حاليًا بيخضع لعلاج أولي وهيعمل أشعه بعد ما يخف التورم علشان يعرفوا حجم الإصابه بالظبط وهيغيب قد إيه.
الأهلي داخل اللقاء وهو في المركز التاني بـ43 نقطه وبيسعى لمواصله الانتصارات خصوصًا بعد فوزه الماتش اللي فات على بتروجيت 3-2 تحت قيادة المدير الفني المؤقت عماد النحاس.
المباراة دي تعتبر التانيه للجهاز الفني الجديد واللي بيحاول يثبت نفسه وسط ضغوط المنافسة على اللقب
غياب عمر كمال ممكن يأثر لكن الفريق عنده عناصر بديله وجاهزين يكملوا المشوار.
