أهلي جده يحقق الحلم ويتوج ببطولة آسيا لأول مره بتاريخو
اعرب الألماني ماتياس يايسله، المدير الفني لفريق أهلي جده عن سعادته الكبيره بعد التتويج بلقب دوري أبطال آسيا للنخبه بعد الفوز على كاواساكي الياباني 2-0 في النهائي اللي اتلعب امبارح.
يايسله قال في المؤتمر الصحفي بعد الماتش المباراه مكنتش سهله خالص وكنا مركزين إننا نحافظ على شباكنا نظيفه الفريق المنافس منظم جدًا وبيستحق كل احترام
وأضاف اللاعيبه عملت مجهود جبار طول البطوله والجماهير كانت سبب كبير في الفوز دعمهم كان استثنائي وكلنا حسينا بيه وده ساعدنا نحقق حاجه كبيره زي دي
وأكد كمان أنا بشكر كل واحد وقف جنب الفريق من القلب، لأن دعمكم هو اللي خلانا نوصل للنهائي ونفوز كمان
المدرب الألماني وصف مشوار الفريق في البطوله بـ الرحله المجنونه وقال إن قبل فتره بسيطه محدش كان متوقع إن الفريق هيرفع الكاس بس الجماهير كانت دايمًا وراه.
واختتم كلامه الفتره اللي فاتت كانت صعبه والانتقادات كتير دلوقتي وقتنا نفرح ونستمتع ومش عايز أفكر في اللي جاي
