تامر النحاس السوليه يستحق تقدير أكتر والأهلي بيجهزه للمستقبل
كشف تامر النحاس وكيل لاعب الأهلي عمرو السوليه إن اللاعب جدد عقده الموسم اللي فات بمبلغ 15 مليون جنيه في الموسم بس شايف إن ده أقل من اللي يستحقه خصوصًا بمكانته الكبيره في الفريق وإن الأهلي بيخطط يجهزه علشان يشتغل جوه النادي بعد الاعتزال.
النحاس قال في مداخله على قناة أون تايم سبورتس أنا واثق إن الكابتن محمود الخطيب مكانش عارف تفاصيل التفاوض مع السوليه وقت التجديد لأن التفاوض مكانش على مستوى اسم عمرو
وكمل السوليه كان لازم ياخد أعلى راتب في الفريق أو زيه لأنه لاعب ملتزم ومؤثر ومفيش خلاف على مستواه، ده غير إنه من العناصر اللي النادي بيشوف فيها مستقبل إداري أو فني
وأضاف رغم إن عقده 15 مليون، بس في لاعيبه بتاخد أكتر حتى لو الفرق بسيط لكن ده مش تقدير كفاية ليه خصوصًا وهو بيعتبر من الكوادر اللي الأهلي شايف فيها دور مهم بعد الاعتزال
واختتم اللاعب لسه يقدر يكمل في الملعب موسمين أو تلاته بس في نفس الوقت النادي بيخطط إنه ياخد دورات تأهيل ويشتغل جوه الأهلي في المستقبل
