البنك الاهلي المصري بيحذر.. حدث بياناتك قبل ما تتوقف خدماتك البنكيه
أصدر البنك الأهلي المصري بيان مهم جدًا على صفحته الرسميه على فيسبوك، بيحذر فيه كل عملاءه من التأخير في تحديث البيانات الشخصيه والمصرفيه، وقال إن اللي مش هيحدث بياناته في الوقت المحدد ممكن يتعرض لوقف بعض الخدمات البنكيه المهمه سواء اونلاين او داخل الفرع.
ربما تشاهد: القائمة كاملة | لشهادات ادخار البنك الأهلي بدائل لشهادة الـ 27%
ومن خلال بوابة سعودي أون بنقدملك كل التفاصيل اللي محتاج تعرفها عن التحذير ده، والمهله المتاحه للتحديث، والخدمات اللي ممكن تتأثر لو اتأخرت.
البنك الاهلي يدي مهله 3 شهور لتحديث البيانات
البنك الاهلي وضح في البيان الرسمي بتاعه إن كل عميل هيوصل له رساله رسميه من البنك فيها تنبيه بضرورة التحديث، ومن ساعتها بتبدأ مهله 3 شهور فقط، ولازم العميل يروح أي فرع بنفسه ويحدث بياناته تنبيه مهم:
عملية التحديث مش بتتم لا عن طريق مكالمات تليفون ولا رسائل نصيه، يعني لو حد كلمك وقالك حدث بياناتك بالتليفون، اعرف إنه نصاب.
ليه تحديث البيانات مهم؟
البنك أكد إن تحديث البيانات مش مجرد إجراء شكلي، ده شرط أساسي علشان:
- الخدمات تستمر بدون توقف
- حماية بيانات العميل
- تجنب تعطيل الحساب أو الخدمات المرتبطه بيه
- تحديث وسيلة التواصل مع العميل بشكل دقيق
ايه الخدمات اللي ممكن تتوقف لو متحدثتش؟
البنك الاهلي حذر من إن التأخير في التحديث ممكن يؤدي لوقف الخدمات دي , خدمات رقميه ممكن تتأثر:
- التحويل من خلال شبكة المدفوعات اللحظيه
- إصدار وثائق صناديق الاستثمار
- تفعيل خدمة الأهلي نت و الأهلي موبايل
- الاستعلام عن الأرصده فقط من غير تنفيذ عمليات
- طلب التمويل الشخصي بضمان شهادة الأهلي بلس
- الاشتراك في خدمة الكشف الإلكتروني للحسابات والبطاقات
- تحديث البريد الإلكتروني المرتبط بالحساب
- الاشتراك في خدمة الأهلي فون كاش
- خدمة الاستعلام الائتماني عبر I-Score
- إصدار دفتر شيكات جديد
- استخدام خدمات التحويل، دفع الفواتير، والتبرعات عبر المدفوعات اللحظيه
وده معناه إن كل الخدمات اللي بتسهل عليك تعاملك مع البنك ممكن تتوقف لو اتأخرت في تحديث بياناتك.
خطوات تحديث البيانات في البنك الاهلي
- تروح أي فرع من فروع البنك المنتشره في المحافظات
- تطلب من موظف الخدمه تحديث بياناتك
- تقدم بطاقة الرقم القومي ساريه + أي مستند يثبت العنوان الحالي لو اتغير
- تتأكد إن كل بياناتك اتسجلت صح
⚠️ التحديث لازم يتم “شخصيًا” في الفرع، ومفيش تحديث بالتليفون أو من خلال موظف خارجي
البنك الاهلي المصري بيوجه تحذير صريح لو ما حدثتش بياناتك في خلال 3 شهور من استلام الرساله، هتتفاجئ بوقف خدمات مهمه زي التحويلات والتمويل والاهلي نت فـ لو وصلتك الرساله، ماتأجلش، وروح الفرع بسرعة عشان تحافظ على حسابك وخدماتك البنكيه وتابع معانا دايمًا على بوابة سعودي اون علشان توصلك كل الأخبار المصرفيه والتنبيهات المهمه لحظه بلحظه.
