اللي بيحصل في الأهلي السعودي حاليًا مش طبيعي، حاجة أول مرة نشوفها في تاريخ الكورة. النادي قدر يجمع 3 نجوم عالميين، كل واحد فيهم فاز بدوري أبطال أوروبا، و دلوقتي رافعوا شعار المجد الآسيوي بقميص الأهلي ودي سابقة ماحصلتش قبل كده أبدًا!
نبدأ برياض محرز، النجم الجزائري اللي حصد كل البطولات مع مانشستر سيتي سنة 2023، وكان له بصمة كبيرة في دوري الأبطال وقتها، و دلوقتي في 2025 هو واحد من أهم عناصر الأهلي.
وبعده عندك روبيرتو فيرمينو، المهاجم البرازيلي اللي كان قلب هجوم ليفربول لما فازوا بدوري الأبطال سنة 2019، وكان وقتها واحد من أفضل لاعبين العالم و دلوقتي بيلبس أخضر الأهلي، وبيقدّم مستويات راقية في آسيا.
وكمان الحارس السنغالي إدوارد ميندي، اللي توّج مع تشيلسي بدوري الأبطال سنة 2021، و حاليًا واقف سد منيع في حراسة مرمى الأهلي.
تخيّل؟ 3 لاعبين كبار، جايين من أوروبا وبطولاتها النارية، و دلوقتي بيمثلوا الأهلي في آسيا والإنجاز ده محدّش عمله قبل كده، والأهلي قدر يدخل التاريخ من أوسع أبوابه.
ده مش بس دليل على قوة النادي ماديًا، لكن كمان بيعكس طموح كبير، وبداية حقيقية لتحويل الأهلي لقوة قارّية مرعبة، مش بس في السعودية أو آسيا… يمكن حتى عالميًا!
شارك المقال
أحدث الأخبار
أخبار ذات صلة
قرار مفاجئ من سلوت بعدم التحدث إلى وسائل الإعلام قبل مباراة ليفربول وكريستال بالاس
نابولي يُعلن إصابة دي بروين وغيابه لعدة أشهر
إصابة جديدة تقلق برشلونة بعد هزيمته في الكلاسيكو أمام ريال مدريد
منتخب مصر يرفض مواجهة كاب فيردي في البطولة الودية بالإمارات
الخطيب يكشف تفاصيل اختياره ياسين منصور نائبًا وتعيين سيد عبد الحفيظ بمجلس الأهلي
