الأرصاد بتحذر من أمطار وسيول وسحب رعديه فـ سيناء وباقي المحافظات
كشفت هيئه الأرصاد الجويه إن صور الأقمار الصناعيه بتوضح إن لسه في فرص كبيره لسقوط الأمطار الرعديه والمتوسطه على مناطق من السواحل الشماليه الشرقيه وخليج السويس ومدن القناه واللى ممكن توصل لحد السيول فـ مناطق متفرقه فـ سينا.
وقالت كمان إن فى احتمال سقوط أمطار خفيفه لـ متوسطه وده ممكن يكون معاها رعد أوقات على مناطق من الوجه البحري والقاهره الكبرى وممكن تمتد بشكل خفيف كمان لشمال الصعيد.
أما بخصوص طقس يوم الإثنين ٥ مايو ٢٠٢٥ فـ متوقع إنه يكون مائل للحراره فـ القاهره وشمال الصعيد ومعتدل عالسواحل وحار فـ الجنوب، مع اعتدال فـ أول الليل وبروده خفيفه فـ آخره خصوصًا فـ الصباح.
في شبوره مائيه الصبح ع الطرق السريعه وبالذات اللى رايحه أو جايه من القاهره والسواحل ومدن القناه وشمال الصعيد.
درجات الحراره المتوقعه
القاهره ٢٨ / ١٨
اسكندريه ٢٦ / ١٦
مطروح ٢٥ / ١٥
سوهاج ٣٠ / ١٦
قنا ٣١ / ١٨
أسوان ٣٢ / ١٩
