22 شهيد من غزه فـ قصف اسرائيلي عنيف ومجزره فـ خان يونس
قال يوسف أبو كويك مراسل قناة القاهره الاخباريه من قطاع غزه ان عدد الشهداء وصل لـ 22 شهيد من فجر اليوم وكان النصيب الاكبر من الخسائر فـ محافظة خان يونس بـ 19 شهيد لوحدها بعد سلسله غارات جويه اسرائيليه وصفها انها مجزره حقيقيه.
واوضح إن اخطر ضربه كانت استهدفت خيمه للنازحين فـ منطقة المواصي وراح ضحيتها 10 مدنيين من ضمنهم 7 ستات وكمان حصل قصف تاني على بيوت وخيام غرب المدينه.
وأكد إن الجثث اتنقلت لمستشفى ناصر فـ خان يونس اللي استقبل كمان جرحى كتير حالاتهم خطره وقال إن الغارات مكنتش موجهه لـ ناس مطلوبين لكن استهدفت مدنيين ومناطق سكنيه خصوصًا فـ حي الأمل والمناطق الغربيه.
وتابع إن كمان كان في شهيدين فـ جنوب مخيم النصيرات بعد قصف بيت لعيلة أبو هويشل وحالة وفاة تانيه فـ شمال القطاع من الاصابات دا غير القصف المستمر عـ المناطق الشرقيه وحي الزيتون.
واضاف ان خلال الـ 24 ساعه اللي فاتت حصل تصعيد كبير واستُخدم فيه ريبوتات مفخخه فـ غرب بيت لاهيا ودا ممكن يأدي لتوسع العمليات العسكريه فـ مناطق سكنيه مكتظه.
