مدبولي هيشارك بتوقيع اتفاق منطقة صناعيه ولوجستيه مع أبوظبي
الدكتور مصطفى مدبولي رئيس الوزراء هيشارك بعد شويه فـ فعالية توقيع اتفاقيه مهمه بين الهيئه العامه للمنطقه الاقتصاديه لقناة السويس ومجموعه موانئ أبوظبي واللي هدفها إنشاء منطقه صناعيه ولوجستيه كبيره فـ شرق بورسعيد.
الاتفاقيه دي بتيجي ضمن خطط مصر فـ جذب استثمارات اجنبيه وتقوية التعاون مع الامارات خصوصًا فـ مجالات الصناعه والنقل والخدمات اللوجستيه اللي بقت من اهم القطاعات فـ الوقت الحالي.
المنطقه اللي هتتعمل من المتوقع انها تكون نقطه جذب استثماري كبيره وكمان هتساعد فـ تشغيل شباب كتير وتوفير فرص عمل بجانب إنها هتعزز حركة التجاره بين الشرق والغرب، خصوصًا بوجود قناة السويس كممر عالمي مهم.
والحكومه شغاله بقالها فتره على تحسين البنيه التحتية فـ المنطقه سواء من خلال تطوير الطرق أو شبكات الكهرباء والمرافق علشان تقدر تستوعب المشروعات الكبيره دي.
ومن المتوقع إن مدبولي يلقي كلمه فـ الفعاليه يتكلم فيها عن التعاون المصري الإماراتي واللي بيشهد تطور ملحوظ فـ كل المجالات وكمان هيوضح أهمية المشروع الجديد فـ دعم الاقتصاد المصري وزيادة الصادرات.
