أموريم: مانشستر يونايتد مركز عالدوري الأوروبي هديه لجماهيره
بعد الفوز الكبير اللي حققه مانشستر يونايتد على أتلتيك بلباو 3/0 في ذهاب نصف نهائي الدوري الأوروبي، طلع المدرب روبن أموريم بتصريح واضح وصريح، وقال إن الفريق مركز دلوقتي على هدف واحد بس، وهو الفوز بالدوري الأوروبي علشان يفرّح الجماهير اللي وقفت معاه في الحلوه والمُره.
أموريم قال بصراحه: “عارفين إن الفريق مش جاهز دلوقتي إنه ينافس في البريميرليغ ودوري الأبطال في نفس الوقت، وعلشان كده إحنا مركزين على الدوري الأوروبي كهدية للجماهير وبعد كده هنشتغل عشان نجهز الفريق بشكل أحسن.”
الكلام ده جه بعد ما اليونايتد قدم أداء جامد قدام بلباو وحسم المباراة من بدري، والناس كلها بدأت تحس إن الفريق قرب يلمس الكأس الأوروبي، خصوصًا بعد النتيجة المريحة في الذهاب.
الجميل في الموضوع إن الروح راجعه، والجمهور بدأ يحس إن في مشروع حقيقي بيتبني، حتى لو الفريق لسه مش في فورمة البريميرليغ.
فهل يقدر أموريم يحقق أول لقب أوروبي ليه مع اليونايتد؟ ولا لسه المشوار محتاج صبر؟ الأيام الجايه هتقول!
