خاكوبو رامون: الكلاسيكو قد يحسم الدوري وهنقاتل للفوز
قبل المواجهه اللي الكل مستنيها، الكلاسيكو بين ريال مدريد وبرشلونة، طلع لاعب ريال مدريد خاكوبو رامون بتصريح مهم، وقال إن الماتش ده ممكن يحسم الدوري بشكل كبير، واللاعيبه هتدي كل حاجه في الملعب علشان تفوز وتاخد التلات نقاط.
رامون قالها بصراحه: “من الواضح إن الدوري ممكن يتحسم في الماتش ده، وعشان كده الفريق هيلعب بكل قوته عشان يفوز.”
الكلام ده جاي في وقت حساس جدًا، لأن الفارق بين الفريقين مش كبير، وأي تعثر دلوقتي ممكن يكلّف كتير والريال داخل اللقاء بثقه بعد أداء قوي في الجولات اللي فاتت، وبرشلونة بيحاول يتمسك بأي أمل بعد خروجه من دوري الأبطال.
خاكوبو رامون، اللي بيظهر بشكل مميز كل مره بيلعب فيها، باين عليه حاسس بأهمية المواجهه، وده يخلينا كمشجعين نستنى ماتش نار، مليان حماس وقتال على كل كوره.
ماتش الكلاسيكو عمره ما كان عادي، بس السنه دي له طعم تاني، لأنه مش بس منافسه تاريخيه، ده ممكن يكون بوابة التتويج بالدوري. فهل الريال هيحسمها؟ ولا البرسا هيعطل الميرينغي؟ الكل مستني والملعب هيولع!
