النجم الأرجنتيني الصاعد أليخاندرو غارناتشو واصل تألقه اللافت مع مانشستر يونايتد، وبقى على بعد خطوة بسيطه من كسر رقم تاريخي كان مسجّل باسم أسطورة النادي كريستيانو رونالدو.
وبحسب أرقام شبكة “أوبتا”، غارناتشو دلوقتي عنده 24 مساهمة (أهداف وتمريرات حاسمه) في الدوري الإنجليزي الممتاز قبل ما يتم 21 سنه، وده بيخليه تاني أكتر لاعب أجنبي مساهمه بالأهداف في سنه ده مع مانشستر يونايتد، ورا رونالدو اللي كان عنده 25 مساهمه وهو في نفس السن.
يعني الولد ده محتاج مساهمه واحده بس علشان يعادل رقم “الدون”، وممكن جدًا يتخطاه في المباريات الجايه، خصوصًا إن الموسم لسه فيه كام ماتش.
اللي بيعمله غارناتشو مش سهل أبدًا، ده لاعب صغير وبيتحمّل ضغط كبير، لكن كل مره بينزل فيها الملعب بيثبت إنه نجم كبير في الطريق، والناس بقت تقارنه برونالدو، وده لوحده بيقول قد إيه الولد ده موهوب ومجتهد.
المدرب والجماهير شايفين فيه حاجه مميزه، وفعلاً كل ما الوقت بيعدّي، بيأكد إنه هيكون من الركائز الأساسيه في مستقبل الشياطين الحمر.
فهل هيقدر غارناتشو يتخطى رقم رونالدو؟ ولا الدون هيحافظ على رقمه شويه كمان؟ الأيام الجايه هتجاوب!
شارك المقال
أحدث الأخبار
أخبار ذات صلة
قرار مفاجئ من سلوت بعدم التحدث إلى وسائل الإعلام قبل مباراة ليفربول وكريستال بالاس
نابولي يُعلن إصابة دي بروين وغيابه لعدة أشهر
إصابة جديدة تقلق برشلونة بعد هزيمته في الكلاسيكو أمام ريال مدريد
منتخب مصر يرفض مواجهة كاب فيردي في البطولة الودية بالإمارات
الخطيب يكشف تفاصيل اختياره ياسين منصور نائبًا وتعيين سيد عبد الحفيظ بمجلس الأهلي
