تشيلسي يفاجئ ليفربول بهدف صاروخي في أول 3 دقايق بس
في قمه ناريه ضمن الجوله 35 من الدوري الإنجليزي، فجّر تشيلسي مفاجأه من العيار التقيل لما سجل هدف سريع جدًا في مرمى ليفربول، خلال أول 3 دقايق من بداية الماتش على ملعب “ستامفورد بريدج”.
الجمهور لسه بيسخن، والناس بتدخل المدرجات، فجأه لقى تشيلسي هزّ الشباك، في هدف هو الأسرع ليهم على أرضهم من سنين ووفقًا لشبكة أوبتا، المره الأخيره اللي تشيلسي سجل فيها هدف بنفس السرعه دي على ملعبه كانت في ديسمبر 2017، قدام ستوك سيتي، واللي جابه ساعتها كان المدافع أنطونيو روديغر.
الهدف ده خلّى الأجواء تشتعل في المدرجات، والضغط راح على ليفربول من أول لحظه، خصوصًا وإن الفريقين داخلين الماتش وهم بيصارعوا على مراكز أوروبيه وبيحاولوا ينهوا الموسم بشكل قوي.
تشيلسي بدأ اللقاء بتركيز عالي وهجوم ضاغط، وكأنهم كانوا حاطين في دماغهم إن لازم يسجلوا بدري، وفعلاً نجحوا في كده، وده بيعكس الروح الجديده اللي بيلعبوا بيها مؤخرًا.
لسه الماتش ما خلصش، لكن البدايه دي ممكن تدي مؤشر على إننا قدام واحده من أقوى مواجهات الموسم في البريميرليغ.
فهل يقدر ليفربول يرجع؟ ولا تشيلسي هيكمّل على نفس النسق؟ خلينا نشوف!
