أنشيلوتي: كورتوا واحد من أعظم الحُراس اللي دربتهم في مسيرتي
بعد ماتش ريال مدريد وسيلتا فيغو اللي انتهى بفوز صعب للملكي 3-2، طلع المدرب الإيطالي كارلو أنشيلوتي بتصريح ناري عن الحارس البلجيكي تيبو كورتوا، وقال إنه من أفضل الحراس اللي مرّوا عليه طول مسيرته التدريبية.
أنشيلوتي قال بالحرف:
“آه، دربت حارس زي كورتوا قبل كده، عندي قايمة طويلة من الأسماء الكبيرة: بوفون، تشيك، نوير، ديدا، فان در سار، بيكفورد وكورتوا في مستوى عالي جدًا.”
وكمل كلامه وقال:
“دربت أفضل الحراس في العالم، والقائمة بتاعتي مذهلة ويمكن ده واحد من أسباب نجاحي طول السنين دي.”
اللي يعرف أنشيلوتي، يعرف إنه مش بيبالغ، الراجل درب فرق تقيلة زي ميلان وتشيلسي والبايرن والريال، وكلهم مرّ عليهم حراس أساطير. بس كورتوا فعلاً أثبت نفسه، خصوصًا بعد رجوعه من الإصابة وقدر يرد على كل الانتقادات بأداء ثابت ومميز.
ويبان إن أنشيلوتي شايف إن كورتوا ليه دور كبير في النجاحات اللي بيحققها الفريق دلوقتي، خصوصًا في المباريات اللي بتكون فيها أعصاب الجماهير على آخرها.
