أنشيلوتي يطمن جماهير الريال عن رودريغو قبل كلاسيكو الأحد
في خبر ريّح قلوب مشجعين ريال مدريد، طلع المدرب الإيطالي كارلو أنشيلوتي وقال إن جناحه البرازيلي رودريغو ممكن يلحق بالكلاسيكو اللي جاي قدام برشلونة، رغم إنه كان بيعاني من شوية تعب بسبب الحُمّى.
أنشيلوتي قال في تصريحه: “رودريغو كان عنده حمى، بس عنده وقت كفاية يتعافى قبل يوم المباراة، وإن شاء الله يكون جاهز”.
الريال داخل على مباراة مصيرية يوم الأحد في الجولة 35 من الدوري الإسباني، والمواجهة دي ممكن تحدد مصير اللقب بنسبة كبيرة، فوجود لاعب زي رودريغو في الملعب هيكون إضافة قوية، خصوصًا إنه شارك في 30 ماتش بالدوري الموسم ده، وسجل 6 أهداف وصنع 5 غيرهم، ودايمًا بيكون مؤثر وقت الجد.
جماهير الملكي بتأمل إن اللاعب يكون لائق بدنيًا 100% قبل المواجهة، خصوصًا مع الغيابات اللي بيعاني منها الفريق، والرغبة في حسم الدوري قبل نهايته بأسابيع.
الأنظار كلها رايحة ناحية ملعب الكلاسيكو، وعودة رودريغو لو حصلت، هتبقى دفعة كبيرة للميرينغي في معركة لا تقبل القسمة على اتنين.
