وسام ابو علي يواصل التهديف ويسجل الثالث ف شباك الحرس
في مباراة قويه ف استاد القاهره، قدر وسام ابو علي مهاجم الأهلي يسجل الهدف التالت لفريقه قدام حرس الحدود ف الجوله الرابعه من المرحله الحاسمه لدوري المصري الممتاز.
الأهلي كان متقدم بهدفين، الأول جه بدري عن طريق طاهر محمد طاهر ف الدقيقه 9، والتاني سجله احمد نبيل كوكا ف الدقيقه 27، لحد ما وسام ختمها بهدف جميل ف الدقيقه 55 بعد باص بيني من مروان عطيه، سددها وسام بقوه واستقرت ف الشبكه.
الهدف ده بيعتبر التاني لوسام ع التوالي، بعد ما كان سجل ف مرمى بتروجيت ف الجوله اللي فاتت وده بيأكد إن وسام داخل ف فورمه ممتازه ومكمل تألقه ف المرحله الحاسمه.
وسام ابو علي لعب مع الأهلي الموسم ده 24 ماتش، وشارك ف 1733 دقيقه، وسجل فيهم 8 اهداف وصنع كمان هدفين الموسم اللي فات كان نار برضو، لما سجل 20 هدف وكان من اهم اللعيبه الهجوميين ف الفريق.
الاهلي بكده بيأكد تفوقه ويقرب اكتر من حسم الدوري، وسط أداء هجومي عالي وثقه من وسام اللي مبطلش يسجل.
