هاري كين يحقق اول بطوله ف مسيرته مع بايرن ميونخ
الصحف الإنجليزيه كانت ف حاله احتفال بعد ما بايرن ميونخ توج بالدوري الألماني، مستفيد من تعادل باير ليفركوزن مع فرايبورج 2-2 واللي منح اللقب لفريق بايرن ومعاه النجم الإنجليزي هاري كين.
كين اللي عنده 31 سنه، لعب مع فرق كبيره قبل كده زي توتنهام، بس ماقدرش يحقق ولا بطوله، وده اللي خلى الصحافه تعتبر اليوم ده تاريخي بالنسبه له، لانه اخيرا حط بطوله ف رصيده بعد سنين من الانتظار.
ورغم ان بايرن اتعادل مع لايبزج 3-3 ف مباراته الأخيره وكان ممكن يحسم الدوري بنفسه، إلا ان تعادل ليفركوزن مع فرايبورج انهى القصه وخلى كين يتوج بالدوري وهو برا الملعب.
الصحف قالت كمان ان اللقب ماكانش بس لهاري كين، لكن كمان لزميله إيرك داير، اللي حقق معاه أول بطوله ف مشواره الاحترافي.
كين كان ليه دور كبير ف حسم الدوري، وسجل 24 هدف ف البوندسليجا، وكان هداف الفريق بجداره.
فرحه كبيره للاعب طال انتظاره للقب، وأخيرًا قدر يكسر النحس ويحقق حلمه الأول.
