آرسنال ناوي يخطف البرازيلي انتوني من ريال بيتيس الصيف
دخل نادي آرسنال الإنجليزي على خط التفاوض مع الجناح البرازيلي أنتوني، لاعب مانشستر يونايتد المعار حاليًا لريال بيتيس من يناير اللي فات بعد ما قدم أداء ممتاز خلال الفتره الأخيره خلاه ملفت لأنظار اكتر من نادي.
انتوني لعب 19 مباراه مع بيتيس وسجل 6 أهداف وصنع 4، وده خلى النادي الإسباني عاوز يشتريه نهائي، لكن آرسنال كمان مهتم وداخل بقوه في الصفقة ومستعد يدفع الرقم اللي مانشستر طالبينه واللي هو 35 مليون جنيه إسترليني.
البرازيلي كان انتقل ليونايتد من آياكس سنة 2022 في صفقه كبيره وصلت لـ90 مليون باوند، لكن مستواه ماكانش ثابت، وقرر النادي يعيره علشان ياخد فرصه أكبر ويلعب أساسي.
صحيفة ديلي ميرور البريطانيه قالت إن آرسنال بيجهز عرض رسمي للاعب عند نهايه الموسم خصوصًا وإن المدرب ميكيل أرتيتا شايف فيه عنصر هجومي ممكن يضيف للفريق بشكل كبير الموسم الجاي.
دلوقتي القرار هيكون بيد اللاعب وناديه، هل هيرجع يونايتد ولا هيكمل ف بيتيس ولا يبدأ مشوار جديد مع آرسنال
