أنشيلوتي حتى لو فزنا بالكلاسيكو.. الدوري لسه في إيد برشلونة
شايف المدرب الإيطالي كارلو أنشيلوتي، المدير الفني لريال مدريد، إن لقب الدوري الإسباني لسه في متناول برشلونة حتى لو الملكي قدر يفوز في الكلاسيكو الجاي اللي هيكون يوم الأحد 11 مايو.
ريال مدريد دلوقتي وراه برشلونة بـ4 نقاط والمباراه الجاية هتكون على ملعب لويس كومبانيس الأولمبي ودي مواجهه ناريه ممكن تغير شكل المنافسه لو الريال خطف الفوز.
أنشيلوتي قال في تصريحات نشرتها ماركا الكلاسيكو مهم جدًا، ممكن يكون حاسم أو شبه حاسم بس لو فزنا مش معناه إن الدوري خلص، لسه في إيد برشلونة وإحنا هنقاتل عليه للنهاية
وكمل كلامه بعد فوز الريال على سيلتا فيجو 3-2 أردا جولر اتغير كتير عن أول ما جه بقى أقوى بدنيًا بفضل شغله على نفسه، والموسم الجاي هيكون ليه دور أكبر
كمان علق على نهائي الكأس وقال كان نهائي قوي جدًا، ولازم نكمل قدام برشلونة بنفس الثقه
واختتم حديثه وقال لو مبابي كمل بنفس مستواه، هيكون له تأثير كبير قدام برشلونة وأنا اشتغلت مع أعظم الحراس في التاريخ، زي بوفون وكاسياس ودلوقتي كورتوا
