مانشستر سيتي بيحط عينه على نجم نوتنجهام بـ80 مليون
مانشستر سيتي مستمر في تحركاته القويه في سوق الانتقالات الصيفي، وبيفكر جدياً في التعاقد مع نجم نوتنجهام فورست مورجان جيبس وايت، واللي بيلعب في مركز صانع الألعاب، في صفقه ممكن توصل لـ80 مليون جنيه إسترليني.
اللاعب عنده 25 سنه، وعقده ممتد مع نوتنجهام لحد صيف 2027، وده بيخلي إدارة ناديه متمسكه بيه خصوصًا إن الفريق عنده طموح يشارك في دوري أبطال أوروبا الموسم الجاي، ومش ناوي يفرط في نجم وسطه بسهوله.
الصحفي الشهير فابريزيو رومانو نشر على صفحته بمنصة X إن السيتي ناوي يقدّم عرض رسمي للفوز بخدمات اللاعب، خصوصًا بعد ما اتأكد رحيل النجم البلجيكي دي بروين مع نهاية عقده الصيف ده، وده بيخلي مكان مهم فاضي في وسط السيتي محتاج يتملّى.
جيبس-وايت لعب الموسم ده 34 ماتش، سجل فيهم 5 أهداف وصنع 9، وأرقامه دي بتخليه مرشح قوي يكون خليفة دي بروين في تشكيلة بيب جوارديولا.
السيتي عايز يحافظ على قوته، ومش ناوي يسيب مكان فاضي في تشكيلته.
