بيريز يتفوّق ع مبابي وبوديمير ويتصدر نجوم النقاط الحاسمة بالليغا
الإحصائيات الجديدة كشفت عن لستة اللعيبة اللي جابوا أكبر عدد من النقط لفرقهم في الدوري الإسباني الموسم ده، وده طبعًا عن طريق أهدافهم اللي كانت حاسمة وغالية جدًا.
المفاجأة إن اللي في الصدارة مش مبابي ولا ليفا، لأ، ده الإسباني أيوزي بيريز، نجم فياريال، اللي حصد لوحده 22 نقطة كاملة بفضل أهدافه وأيوزي كان فارق في مباريات كتير، وكل مرة بيكون هو المفتاح للفوز.
الموسم ده شكلّه موسم التألق للنجوم غير المتوقعة، بس مبابي بردو مش بعيد، جاى في المركز التاني بـ 21 نقطة، وده وهو لسه في أول موسم ليه مع ريال مدريد! يعني الراجل دخل سخن ومبيستناش كتير عشان يلمع.
أما المركز التالت فكان من نصيب أنتي بوديمير، مهاجم أوساسونا، اللي جاب 20 نقطة لفريقه، وده رقم كبير جدًا بالنسبة لفريق مش من الكبار.
باقي الترتيب كان كالتالي:
- ليفاندوفسكي (برشلونة): 15 نقطة
- أويهان سانسيت (أتلتيك بلباو) وجوليان ألفاريز (أتلتيكو مدريد): 14 نقطة
- تييرنو باري (خيتافي) وجيوفاني لو سيلسو (فياريال): 11 نقطة
اللي بيشوف الترتيب ده، هيلاحظ إن في أكتر من نجم مش من فرق التوب 4، وده يثبت إن التأثير مش دايمًا مرتبط بالشهرة أو الفريق، لكن باللحظة اللي بيظهر فيها اللاعب ويجيب جول يغيّر النتيجة.
ومع إن الدوري لسه فيه شوية جولات، بس السباق مولّع، والمنافسة بين الهدافين الحاسمين شكلها مكملة لآخر أسبوع.
