خلّي بالك.. موعد صرف مرتبات شهر مايو 2025 هيبدأ امتى وازاي؟ التفاصيل كاملة وهل في زيادة
حالة ترقّب كبيرة بين الموظفين والعاملين في الدولة دلوقتي، والكل بيسأل: “مرتبات مايو هتنزل امتى؟ وهل في زيادة فعلاً؟”، خصوصًا إن الشهر ده بييجي قبل عيد الأضحى، والكل محتاج السيولة عشان التجهيزات والمصاريف اللي زادت اليومين دول وفي مواقع كتير قالت إن في زياده هتنزل في مايو، لكن الحقيقة إن ده مش مظبوط، والدولة وضّحت كل حاجة رسمي.
زيادة في مرتبات مايو 2025
الإجابة: لأ، مفيش زيادة في مرتبات مايو والزيادات الرسمية هتكون بداية من شهر يوليو 2025، حسب تصريحات الحكومة الأخيرة، واللي أعلنت فيها عن حزمة قرارات جديدة لدعم الموظفين سواء في القطاع العام أو الخاص.
أما عن أخبار الزيادة في مايو، فهي مجرد شائعات مش حقيقية ومش ليها أي أساس رسمي.
مواعيد صرف مرتبات شهر مايو 2025
الوزارة كشفت عن مواعيد محددة بخصوص الصرف، وهي كالتالي:
- من الخميس 8 مايو 2025 ولحد 12 مايو، هيتم صرف المتأخرات الخاصة بشهر أبريل اللي فات.
- بعد كده، هيبدأ صرف المرتبات الجديدة لشهر مايو، وده من الخميس 22 مايو 2025 ولمدة 5 أيام لحد الاثنين 26 مايو.
- الصرف هيكون متاح من خلال البنوك، البريد المصري، ماكينات الصراف الآلي (ATM).
مرتبات العاملين في الدولة – مايو 2025
| الدرجة الوظيفية | المرتب الشهري بالجنيه |
|---|---|
| الدرجة الممتازة | 12,200 جنيه |
| الدرجة العالية | 10,200 جنيه |
| مدير عام | 9,200 جنيه |
| الدرجة الأولى | 8,200 جنيه |
| الدرجة الثانية | 8,000 جنيه |
| الدرجة الثالثة | 7,500 جنيه |
| الدرجة الرابعة | 7,000 جنيه |
| الدرجة الخامسة | 6,500 جنيه |
| الدرجة السادسة | 6,000 جنيه |
لو مرتبك بينزل من خلال البنك أو الـATM، حاول متروحش أول يوم عشان الزحمة، ووزع السحب على الأيام، لأن في ناس بتفضل تقبض في هدوء وبلاش التكدّس.
مرتبات مايو 2025 هتنزل في ميعادها بدون أي زيادات، والزيادات الرسمية هتبدأ من يوليو الجاي 2025 ووزارة المالية وضحت كل حاجة بالتفصيل وخليك متابع دايمًا مع بوابة سعودي اون علشان توصلك المعلومات الصح وقت ما تحتاجها.
