ريال مدريد يفوز على سيلتا فيغو بس الأداء لسه مش مطمّن!
ريال مدريد قدر يحقق فوز مهم على سيلتا فيغو بنتيجة 3-2، بس رغم الفرحة بالثلاث نقاط، إلا إن الأداء لسه فيه علامات استفهام كتير!
الريال ما فاز بفارق هدفين أو أكثر من 23 فبراير ضد جيرونا، يعني من 17 مباراة تقريبًا، كل انتصاراته بعدها كانت بفارق هدف واحد بس! وده يخلينا نسأل: ليه البلانكو مش قادر يحسم المباريات بشكل مريح؟
الهجوم بيشتغل؟ آه، بس مش بالكفاءة اللي تعودنا عليها وبنشوف فرص كتير بتضيع، وأحيانًا الفريق يتراجع بعد التقدم كأنه بيحاول يحافظ على النتيجة بدل ما يقتل المباراة.
ناس كتير شايفة إن ده ممكن يكون إرهاق أو خوف من الإصابات مع دخول الموسم مراحله الحاسمة، خصوصًا وإن الفريق داخل على مواجهات قوية في الدوري ودوري الأبطال وبس في نفس الوقت، في جماهير بدأت تقلق من إن الفريق هيتعذب في كل مباراة عشان يطلع منها بالنقاط.
الفوز مهم، بس اللي أهم منه هو إن الفريق يقدر يفرض سيطرته، مش بس في النتيجة، لكن في الأداء كمان وجمهور مدريد متعود على القوة، مش الفوز بشق الأنفس كل أسبوع.
