ليلى عبد اللطيف تتوقع أحداث نارية في العالم 2025.. تحذير مباشر لأعداء مصر
في ظهور جديد، عملت ضجة واسعة، حلت سيدة التوقعات ليلى عبد اللطيف ضيفة على برنامج “توتر عالي” مع الإعلامي طوني خليفة على قناة “المشهد”، وكشفت عن توقعات نارية هتحصل خلال الشهور الجاية من سنة 2025، بعد ما عدّى أول ربع من السنة والتوقعات دي مش عادية، لأن فيها كلام عن أمريكا، تركيا، لبنان، سوريا، ومصر كمان، وكل ده وسط أحداث مشتعلة وسياسات متغيرة في العالم كله.
أمريكا.. ولاية ترامب في خطر؟
ليلى عبداللطيف قالت إن الاحتجاجات الشعبية في أمريكا مش هتوقف، وإنه ممكن يحصل تصعيد كبير في الشارع الأمريكي، لدرجة إن ولاية دونالد ترامب هتكون على المحك.
- المظاهرات هتكون في ولايات كتير.
- فيه ناس معاه وناس ضده.
- والبلد هتبقى في حالة توتر سياسي وشعبي.
سوريا راجعه أقوى.. واستقرار تدريجي
وعن سوريا، توقعت عبداللطيف إن البلد هتدخل في مرحلة جديدة من الاستقرار، وهيرجع الشعب السوري يقف جنب الرئيس أحمد الشرع، وهيبدأوا يعيدوا إعمار البلد.
- تغييرات إيجابية واضحة.
- دعم داخلي حقيقي للرئيس الجديد.
- بداية انفراجة بعد سنين تعب.
تركيا.. هل حياة أردوغان في خطر؟
التوقع الأخطر كان عن تركيا، حيث أعربت ليلى عن قلقها الشديد على حياة الرئيس رجب طيب إردوغان، وقالت إن الفترة اللي جاية هيكون فيها:
- مظاهرات كبيرة في الشارع.
- تغييرات سياسية قوية.
- احتمال يتعرض لمخاطر صحية أو أمنية.
لبنان.. عودة الهيبة على يد جوزيف عون
قالت إن لبنان راجع بقوة مع الرئيس جوزيف عون، وده هيكون من خلال:
- إنجازات عسكرية وسياسية.
- عودة الأموال للمودعين في البنوك.
- عودة هيبة الدولة والجيش اللبناني.
مصر.. السيسي في قلب الحدث ومؤامرة فاشلة
أما عن مصر، فأكدت ليلى عبداللطيف إن أنظار العالم والإعلام هتكون مركزة على الرئيس عبدالفتاح السيسي خلال الفترة اللي جاية وقالت كمان:
- فيه مؤامرة بتحاول تهز الاستقرار السياسي والأمني في مصر.
- بس المؤامرة دي هتفشل بسبب السيادة المصرية المحكمة.
- مصر هتفضل قوية ومتماسكة بفضل شعبها وجيشها.
تحذير مباشر لأعداء مصر
ليلى وجهت رسالة نارية قالت فيها:
“احذروا من الجيش المصري.. لأنه معاه سلاح فعال ممكن يمحي دول كاملة، متستهونوش أبدا بقوة جيش مصر، ولا بصمود شعبه”.
ليلى عبداللطيف بتأكد إن العالم داخل على مرحلة سخنة جدًا في 2025، وأحداث هتغير حاجات كتير، من أمريكا لتركيا لسوريا ولبنان، لكن مصر هتفضل ثابتة وقوية قدام أي مؤامرة والجيش المصري ليه الكلمة العليا في المنطقة.
